GESANG 004

1. O VADER, GOD, ALMAGTIG, GOED,        
   O BRON VAN KRAG WAT MY BEHOED,       
   U HEERS OOR ALLE DINGE !             
   U IS MY VADER, U ALLEEN.             
   EK NOEM U NAAM, U IS DIE EEN         
   WAT WOON BY DIE GERINGE.             
   U HEERS OOR ALLES, DIE HEELAL !      
   U STEEK U HAND UIT AS EK VAL;        
   U TREK MY ALTYD NADER.               
   EENMAAL SAL EK, MET KLERE WIT,       
   SAAM MET VERLOSTES U AANBID;         
   U EWIG LOOF, O VADER.                

2. O SEUN VAN GOD, U HET GEKOM          
   OP AARDE, NA U EIENDOM.              
   U MAAK BY MY U WONING.               
   U IS DIE WOORD, U'T MENS GEWORD,     
   OP GOLGOTA U BLOED GESTORT -         
   EK ROEM U NAAM, O KONING !           
   MY ROTS, MY VORS, MY HOOF EN HEER !  
   U RED MY, EK KNIEL VOOR U NEER,      
   DIEP SKULDIG OOR MY DADE.            
   MAAR EENDAG SAL EK HULDE BRING,      
   IN HEERLIKHEID U NAAM BESING,        
   U WAARHEID EN GENADE.                

3. O GEES VAN GOD, U WAT MY ROEP,       
   U WEET HOE SMAG EK, HOE EK SOEK:     
   U GEE DIE REGTE WOORDE !             
   VERHEF MY LIED TOT HOM WAT WIT       
   IN LIGGLANS OP SY RYKSTROON SIT -    
   BO HEMELSE AKKOORDE.                 
   O HEIL'GE GEES, VERVUL MY HART.      
   U LEER MY, LEI MY, TROOS IN SMART -  
   WAAR EK BEANGS, VERBLIND IS.         
   U, UITGESTORT OP ALLE VLEES,         
   GETUIG GEDURIG, MET MY GEES:         
   LOOF GOD DAT EK SY KIND IS.          

4. DRIE-EENGE GOD, EK WIL U EER         
   MET: HEILIG, HEILIG, HEILIG HEER,    
   EN MET DIE ENG'LEKORE.               
   U WOORD IS WAAR: U GROOT DAG KOM,    
   EN VOOR ONS BLY U WOLKKOLOM -        
   NOOIT RAAK ONS WEER VERLORE.         
   EER AAN DIE VADER, SEUN EN GEES      
   WAT IS EN WAS EN OOK SAL WEES        
   IN ALLE EWIGHEDE.                    
   O GOD VAN GOEDHEID, WYSHEID, KRAG,   
   WIE PEIL DIE OMVANG VAN U MAG        
   SO DIEP, SO HOOG VERHEWE ?